On sireen meugulong-gulong
On keurusong meuputa-puta
Meunyoe adek galak keu loen
Tapreh bak jurong lon woe sikula
Tajak u laot ta kawee bileh
Tasok bak pureh tapandang mata
Abang disinoe adek disideh
Pajan keuh ta eh saboh bantai dua
Ie krueng blang kulam rhet cukop manyang
Urueng jak keunan dum jak meu tamasya
Alah hi cut adek dara kon han loen jak pinang
Tapi meuh si manyam hana beulanja....
Aneuk tiong di cong bak kirong
Ticem beuraghoe jeut peugah haba
Ulon jioh hinoe diranto
Hajat lonjak woe jak kalon dara...
+ Peue kapai nyoe...?
- Kapai Inggreh !
+ Peue jipeudieng...?
- Hate tapeh !
+ Di ateueh nyan...?
- Cawan pingan !
+ Di ateueh nyan...?
- Ija puteh !
+ Di ateueh nyan...?
- Tong keumunyan !
+ Di ateueh nyan...?
- Manok puteh !
+ Ci ku'uek sigo !
- Teukeu'uek'uek
Jak u pasie jak kawe bing
ka lheh ku peusing ku peuduk lam raga
yang juoh ka sabee lon nging
ek lalat bang ming ka lheh ku tanda
Tidak ada komentar:
Posting Komentar
Saya sangat mengharapkan komentar, kritik , saran dan tanggapan yang membangun untuk kemajuan kita bersama.